ابڙو اڪيڊمي Abro Academy
2020-07-22
داخلا نمبر 618
عنوان گَھتڻي، عام اسناف
شاخ پکي
پڙهيو ويو 387
داخلا جو حوالو:
گَھتڻي، عام اسناف
20 سينٽي ميٽر جسامت واري هن گهتڻي پکيءَ جي پٺيءَ جو رنگ زيتوني ناسي ٿئي ٿو جنهن تي گهري رنگ جا لينگها هوندا آهن. ڳچيءَ ۽ پيٽ جو رنگ اڇو ٿئي ٿو. ڇاتيءَ تي هلڪو ميٽوڙي رنگ هوندو اٿس.
هي پکي ٽاڪرو چشمن تي افزائش نسل ڪندو آهي. سياري جو مهمان آهي. اڪثر جابلو يا وارياسن ڪنارن ۽ کارين ڍنڍن تي اڪيلو ڏسبو آهي. هلڻ مهل ٽاهه کائيندو ۽ ھيٺ مٿي پيو جھڪندو آهي. جڏهن اهو پاڻي مٿان هيٺانهين اڏار اڏرندو آهي ته پَر خمدار ڏسبا آهن، جيڪي هوريان ڦڙڪائيندو ۽ چمڪدار ڏِک ڏيندو آهي.